LEHENENGO KLASERA ITZULIZ

Kaixo irakurle!

Irailaren 15eko astea izan zen IKT-ko arloarekin hasi ginena. Bertan irakasgaiaren sarrera bat egitearekin batera, Word-aren inguruko zenbait informazio jaso genuen, baliagarriak diren gauza berriak egiten ikasiz. Gauza horien artean 'pie de pagina' jartzen eta aurkibide txukun bat egiten erakutsi zigun irakasleak, beste zenbait aplikazioren berri ere eman zigularik.

ARGAZKI TAILERRA

Apa!

Jarduera amaitu ostean ondorio batzuk atera ditugu. Lehenik eta behin,  aipatu behar dugu hasierako ideia ez dugula guztiz bete, izan ere, lana 5. eta 6. mailako haurrei bideratuta zegoen baina ez genuen haiekin egiteko aukerarik eduki. Bestalde, lanaren planteamendua ez zen oso egokia izan, ez baikenuen haurrak motibatzea lortu. Berriro egin beharko bagenu, hainbat gauza aldatuko genituzke. Adibidez, modu erakargarriago batean planteatzen saiatuko ginateke ariketa. Horretaz gain, ez genuen lortu argazkirik ateratzea lanaren froga moduan. Hala ere, jarduera polita zen eta beste irakasleei asko gustatu zitzaienez, beste geletan ere proposatu zuten. Beraz, esan genezake lan honetatik asko ikasi dugula eta azken emaitza nahiko ona izan dela.

Proposatutako dekalogoari erreparatuz honako hau esan genezake:

1. Umea protagonista eta egile sentitu behar da. Puntu hau betetzea lortu dugu, izan ere, haien esku utzi dugu objektu baten aukeraketa egitea. Gainera, kartulinan jartzerakoan objetuaren azalpena beraiek eman zuten.

2.Umeekin batera tailerren gaiak adostea: hau ez dugu lortu, guk esan genielako zer egin behar zuten, baina ez genizkien objektu konkretu baten argazkiak eskatu, baizik eta haien gustukoa zen objektu, paisai edo gauza batenak.

3.Umeek teknologia erabiltzea. Puntu hau lortu dugu, azken finean hori baitzen tailerraren helburua: haurrek teknologiak erabiliz zerbait propioa sortzea. Lehen aipaturiko arazoak direla eta ordenagailurik ez dugu erabili baina argazki kamara berriz bai.

4.Esperientzia ez laburbiltzea “pantaila-ume interakziora”.  Puntu hau bete dugu, haurrek ez dutelako haien lana teknologiara mugatu beste hainbat gauza egin behar izan dituzte.

5.Lankidetza, sormena, kritikotasuna eta ez errepikakorrak diren jarduerak ahalbidetzea. Haurren adinaren ondorioz, ezin izan dugu puntu hau burutu.

6.Teknologiak gizartean ematen diren gertakizunekin dialogatzeko, posizionatzeko edo transformatzeko aukera emango du. Puntu hau ez dugu guztiz bete baina nahiz eta gizartearekin zerikusirik duen ezer ez den lantzen, haurrek haien lanak aurkezteko aukera izan zuten.

7.Komunitatera orientatzea: puntu hau lortu dugu ,izan ere, gizartearekin lotura zuzena du jarduera honek.

8.Kulturartekotasunerako elementuak txertatzeko aukera: puntu  hau ez dugu lortu betetzea, ez zegoelako kultura desberdineko haurrik.

9.Aldarrikapenerako eta erresistentziarako ariketak sustatzea: puntu hau ezin izan genuen mantendu, haurrak gazteegiak zirelako eta beraien adinera moldatu behar izan genuelako jarduera.

10.Lengoai edo generoaren araberako bazterketarik ez ematea. Lengoai edo generoaren araberako bazterketarik ez dugu egin, denok izan baitute tratu bera tailer honetan.

Tailerra diseinatzerakoan puntu gehienak edo denak hartu genituen kontuan baina aurretik aipaturiko aldaketen ondorioz ezin izan ditugu denak bete. Hala ere, esperientzia honetatik aprobetxatuko dugu gure akatsetatik ikasteko.

ARGAZKI TAILERRA

Kaixo berriro,

Gaurkoan Arianek egin zuen praktika nola izan zen azalduko dugu. Irakasleari tailer hau egiteko proposamena egin zionean oso ondo hartu zuen eta ez zion inongo oztoporik jarri. Beraz, berari eman zion ikasleei jarduera esplikatzeko lana, irakasle papera hartuz. Hurrengo egunean klasera joan eta ikasleei egin behar zutena esplikatu zien. Haurrei asko gustatu zitzaien ideia eta segituan hasi ziren zer ekarriko zuten pentsatzen eta hiru egunen ondoren denak argazkiekin azaldu ziren klasera. Hurrengo pausoa, argazkian azaltzen ziren gauzei buruz idaztea izan zen. Idatzi ondoren, Arianerengana joaten ziren erakustera eta orduan ohartu zen haurrak zer idatzi ez zekitela zebiltzala. Orduan gehiago idazteko esan zien eta motibazio falta zutela nabaritu zuen, handik aurrera gogo askorik gabe amaitu zuten jarduera.

Amaitu zutenean, gelako paretean jarri zituzten denek ikusteko moduan eta lau egunen ondoren kendu eta haur bakoitzak bere argazkiaren azalpena egin zuen besteen aurrean. Azalpena ongi egin zuten baina egin beharreko zerbait bezala hartu zuten eta jarduera egiteko gogo falta nabaritu zen.

Haurren lanak

ARGAZKI TAILERRA

Kaixo denoi,

Aurreko sarreran azaldu genuen bezala, gure praktikaldian burutzeko lana honako hau zen:

haur bakoitzak bere bizitzako gauza garrantzitsuren baten argazkia atera behar zuen, gero, taldeka jarri eta denen artean istorio bat asmatzeko. Horretarako, ordenagailua erabili beharra zuten musika eta muntaia egiteko. Irudiak erabiltzearen garrantzia azpimarratu nahi izan dugu haurraren gogoak, nahiak...adierazteko modu interesgarria delako.

Praktikaldiarekin hasi ginenean ordea, beste errealitate batekin egin genuen topo eta gure jardueran aldaketa batzuk egin behar izan genituen.

Mirarik, eskola txikian egin zituen praktikak eta bertan gela desberdinetan egiten zituzten lanak oso lotuta zeuden. Beraz, bere gelakoekin lan hau egiten bazuen, beste gelakoekin egiten ari ziren lanean atzeratuko ziren. Beste aukera bat ziklo guztietakoekin egitea zen baina ezinezkoa zen 1. mailakoekin eta 6. mailakoekin lan berdina egitea informatika tartean sartuta, ez baitute ezagutza berdina.

Maialen Arrietari, klasera iritsi orduko garbi utzi zioten oso gela mugitua eta zaila zela. Horren ondorioz, irakaslea oso agobiatuta zegoen eta klase normalak emateko nahikoa arazo izaten zituen, beraz, horrelako tailer bat aurrera eramateko arazoak ikusi zituen eta hobe izango zela bertan ez egitea pentsatu genuen.

Liberen kasuan, 1.mailan egin zituen praktikak eta egoera ikusirik zaila ikusten zuen horren txikiak izanik argazkiak ateratzen hastea eta gainera gogoeta bat egitea.

Maialen Ansuategiren kasuan, arazo ekonomiko larriak zituzten haur batzuk. Beraz, ez zitzaion ondo iruditu ariketa proposatzea, denek ezin baitzuten parte hartu.

Ariane izan zen  tailer hau aurrera eramatea lortu zuena, baina bere mailara egokituta. Hau da, 2.mailakoak zirela kontutan hartuz ordenagailuaren erabilera kendu behar izan zuen.

TALDEKO ARGAZKI-ELKARRIZKETA

KAIXO LAGUNAK!

Foto elkarrizketa indibiduala egin ostean taldekideak elkartu gara eta taldean beste  bat egitea erabaki dugu.Egia esan teknologia alde batera utzi dugunean, bat egin dugu puntu askotan. Bakoitzaren gustuko ekintzak sakonki aztertu ostean honako hauek aukeratu ditugu:

1.BIDAIATZEA: Askatasun sentsazioa ematen digun zerbait da, eguneroko bizitzatik denboraldi batez alde egiteko aukera ematen diguna. Bidaia mota ugari daudela badakigu eta taldean hitz egin ostean, diru eta ondasun gutxi eramaten diren horiek iruditzen zaizkigu interesgarrienak, izan ere, gauza materialak alde batera utzita gure buruarekin hausnartu eta besteekiko erlazioak sendotu daitezke. 

2. LAGUNEKIN EGOTEA: Nahiz eta gaur egun hauekin pasatzen dugun denbora gehiena mobilarekin egotera mugatu, oraindik ere lagunak gure bizitzako gauza garrantzitsuenetarikoak direlarekin ados gaude. Hauekin igarotzen ditugu momenturik onenak, izan ere, haiek dira barrezka igarotako arratsalde eta gauen erantzule. Teknologiaren garai honetan bat gatoz hauek alde batera utzi eta lagunekin egotea aberasgarriagoa dela, mobilek ez ordenagailuek ez baitigute arazoak konpontzen lagunduko eta ez dira hor egongo laguntza behar dugunean. Gainera zeinekin egingo ditugu aurretik aipatutako bidai zoragarri horiek lagunekin ez badira?

3. MUSIKA ETA DANTZA: musika deskonektatzeko, aske sentitzeko, ondo pasatzeko...erabiltzen dugu guk. Musika mota desberdin asko daude eta bakoitzak gustu desberdinak ditu, baino honek guregan sortzen dituen sentsazio eta emozioak antzekoak direla ohartu gara. Musika entzuteak gure arazoez ahazteko balio digu eta ongi sentiarazten digu. Gainera, musikarekin loturik dagoen aktibitate bat dantza da; honi buruz ideia eta iritzi desberdinak ditugu, izan ere ez dugu denek dantza egitea hain gustuko, baina tentsioak askatzeko modu egoki bat dela pentsatzen dugu eta kirola egoteko modu dibertigarri bat. Denok behar dugu musika gure bizitzan.

4. IKASKETAK: Bizitza osoa daramagu ikasten, 2 urtetatik hasi eta gaur egunera arte. Ohitura handia dugu institutuan edo unibertsitatean gaudenean ikasten ari garenataz kritikatzeko baina bizitzan egiten dugun gauzarik garrantzitsuenetakoa da. Gure etorkizuna baldintzatzen du eta guk aukeratzen dugu zer ikasi nahi dugun eta zer izan nahi dugun hemendik urte batzutara. Horretaz gain, eskolara eta unibertsitatera joatearen alde hoberenetako bat bertan aurkitzen dugun jendea eta egiten ditugun harremanak dira. Ordu asko pasatzen ditugu elkarrekin eta azkenean lagun on asko aurkitzen ditugu. Adibidez, talde honetan gaudenak ez bagenuen magisteritza aukeratu ez ginen ezagutu ere egingo eta horretan zorte handia eduki dugu. 

5. KIROLA: Txikitatik jarduten dugu,  gure bizitzako zatirik handiena kirola egiten pasatzen dugu, zaletasun bezala edota profesionalki. Gure gorputzaren gaitasuna eskatzen du eta helburu nagusia gaitasun fisikoak iraunaraztea eta handitzea da, behar beharrezkoa da gure bizitzan osasuntsu egon nahi badugu. Kirol gehienak taldekoak izaten dira eta bertan taldekideak izateaz gain, lagunak ere badira, harremanak handitzen dira eta konfiantza lortzen da taldekideen artean bestela ekipoak ez du inongo lorpenik izango. Kirola egiteaz gain, lagunak egiteko modu bikaina da.

PORTFOLIOA

Kaixo!

Dagoeneko jakingo duzuen bezala, Libe Alvarez naiz eta EHUko Irakasleen Eskolan ari naiz magisteritza ikasten. IKT-ko arloan orain arte egindako lanak honako hauek dira:

Lehenengo sarreran, haurtzaroko oroitzapenen inguruan hitz egin nizuen, non nire ohiturak eta teknologiarekin nuen kontaktua azaldu nizuen. Bertan, IKT-en garrantziak gora egin duela ikusi daiteke, izan ere, ni Lehen Hezkuntzan nengoenean liburuak eta cd-ak erabiltzen genituen ikasteko, behin edo behin ordenagailuak erabiltzen genituelarik. Denbora libreari dagokionez, nahiago izaten nuen lagunekin beranduarte egon, teknologiak erabiltzea baino.

Jordi Adell-en konpetentzia digitalaren bideoa eskegi nuen hurrengo sarreran.

Teknologia eta generoaren inguruan hitz egin nizuen ondoren, hausnarketa txiki bat eginez.Honetan argi azaltzen da nire ikuspuntua: txikitatik bideojokoak edo bestelako teknologiak mutilentzako direla sinistu dugu, hori sartu baitigute buruan horrenbeste anunzio eta argazkiekin. Neskek panpinak, mutilek bideojolasak edota ordenagailu jolasak. Horrela jarraitu behar ahal dugu?

Nire herriko, hau da, Arrasateko argazki bat igo nuen laugarren sarreran, nire etxetik ikusten den Anboto mendia hauteman dezakegularik.

Nire bizitzaren denbora lerroa egin nuen Capzels aplikazioaren bitartez. Bertan, batez ere, Ikastolako argazkietan oinarritu naiz: antzerkiak, irteerak, dantzaldiak, bidaiak.... eta argazki bakoitzari izenburu motz bat txertatu diot.

Banakako PLE-a burutu nuen Symbaloo programa erabiliz. Web 2.0ko orrialde bat da eta oso erraza da honen erabilera.. Hemen, egunekotasunean erabiltzen ditugun programak eta web orriak biltzeko aukera dugu, 60 hain zuzen, eta klik bakar baten bidez orrialde horietara joateko aukera dugu gainera. Besteen Symbaloo-ak ere ikusi daitezke inolako konturik egin gabe, nahiz eta gurea egiteko eta besteekin partekatzeko ezinbestekoa izan aipaturiko kontua egitea. Koloreak, argazkiak, ikonoak...pertsonalizatu daitezke.

IKT-en inguruko taldeko hausnarketa egin genuen, eskema eta bideo bat ere gehituz. Hauen bitartez, IKT -ei buruzko gure kritika egin genuen, denboran zehar gauzak nola aldatu diren azalduz. Sarrera honetan, gutxi gora behera, lehenengo sarreran aipatutakoa errepikatzen dugu, haurrak ginean IKT-ek gure bizitzan zuten garrantzia gaur egungoa bezalakoa ez dela adibidez. Neska eta mutilen arteko bereizketan ere sartzen gara-

Jordi Adellen PLE-aren inguruko bideoa igo nuen zortzigarren sarreran.

Taldeko PLE-a egin genuen gero, Symbaloo programa erabiliz. Lehen aipatu bezala, Symbaloo deritzon programa erraz hau oso baliagarria da gainontzekoek zure gustuko programa zein web orriak ikusi eta hauetan saltseatzeko, izan ere, besteekin partekatu daiteke.

Adunako eskolako Iñaki Pagola irakaslearen hitzaldia entzun eta gero, laburpen bat egin nuen, gauza garrantzitsuenak aipatuz.. Gauza garrantzitsu hauetan aipagarria da testu-liburuei eskola honetan egin dien bazterketa, teknologia berriei sarrera emanez. Proiektuen bidez egiten dute lana, Google Apps-ak erabiltzen dituztelarik hau burutzeko. Blog-a, Moodle plataforma, Classroom...ere garrantzitsuak dira. Gehiago jakiteko ikusi hitzaldi honen laburpena nire blog-ean.

Amara Berri Eskolako Amandok eman zigun hitzaldiaren inguruan hitz egin nuen ondoren, berriz ere, gauza garrantzitsuenak aipatuz. Txokoek ikasgeletan hartzen duten lekua, hedabideak eta testu liburuen bazterketak izan ziren hitzalditik gehien arritu gintuzten gauzak.

Nire argazki-elkarrizketa propioa egin nuen hamabigarren sarreran. Honi esker, nire bizitzan garrantzitsuenak diren alderdiak ezagutu ditzakezue: lagunak, familia, bidaiak... eta bakoitzari buruz piska bat irakurri. Hurrengo puntua taldeko argazki-elkarrizketa egitea izango da, edukiko dugu zerbait amankomunean?

Taldekideok praktikaldian burutzeko asmatu genuen tailerra azaldu nuen gero, hau da, praktikaldirako hasierako ideia. Hemen, laburki aipatzen dugu argazkien bitartez gure praktiketako haurrekin lortu nahi duguna, azken emaitza zein izatea gustatuko litzaiguken ere azalduz.

Urriak 6an, IKT-ko saio praktikoa izan genuen Aingerurekin, zelatatu eta zelatatzaileen inguruan hain zuzen.Horretarako taula bat osatu genuen denon artean, horrek zenbait hausnarketa egitea eragin zigularik. Bi bideo ere ikusi genituen, amaierako beste pare bat galdera ere proposatu zigularik irakasleak. Hori dena sarrera honetan biltzen da, eta ikusgai duzue.

Taldeko argazki-elkarrizketa egin genuen, non gure bizitzako 5 gauza garrantzitsuren inguruan hitz egiten dugun. Hemen aurretik nik sortutako argazki-elkarrizketa propioan aipatu nituen zenbait gauza agertzen dira eta sarrera honetan honi buruzko informazioa dago.

Taldekideok praktikaldian burutzeko asmatu genuen argazki tailerra (1,2,3) martxan jarri ondoren hausnarketa bat egin genuen, non prozesua, arazoak eta dekalogoa aipatu ditugun.Gure taldekide den Arianek burutu zuen jarduera hau bigarren mailako ikasleekin eta horren azalpena sarrera hauetan biltzen da. Hala ere, adinarekin zerikusia duen arazo bat izan genuen, gure hasierako ideia modifikatu behar izan genuelarik. Dekagoloan aipatzen diren puntuetatik zeintzuk bete ditugun ere aipatu dugu.

URRIAK 6ko IKT-ko SAIO TEORIKOA

1. Saio teorikoan egindakoaren azalpena

 Klasera sartu bezain laster, urriaren 6ko klase teorikoan, zelatatu eta zelatatzaileen gaia jorratuko genuela esan zigun gure irakasle den Aingeruk. Hasiera bat eman nahian panoptikoak eta internetek dituzten zenbait berdintasun azaldu zizkigun. Panoptiko deritzon hori, espetxe antzerako bat da, non honen erdian dorre handi bat aurkitzen den. Dorre horrek espetxeratuta dauden pertsonak ikusi eta kontrolatzea ahalbideratzen die zaindarie, haiek aldiz ezin dituzte kontrolatzen dauden pertsona horiek ikusi. Berdina gertatzen da beraz interneten dauden zelatatu eta zelatatzaileekin. Zelatatuak ez dute nabaritzen nola kontrolatzen dituzten zelatatzaileek, azken hauek dena dakiten bitartean.

 Analogia hau hobeto ulertzeko, ariketa bat egin genuen talde txikietan, non taula bat burutu behar izan genuen. Bertan, lehenengo zutabean hain zuzen, interneten aurkitu ditzakegun zelatatzaileak zerrendatu genituen, bigarrenean nola edo zergatik sentitzen ginen zelatatuak aurretik aipaturiko zelatatzaileekin eta azkenik, nola egin genezakeen hauenganako erresistentzia.

Hona hemen taula:

NORK?	NOLA?	ERRESISTENTZIA
Egela	Nabigazioaren kontrola	Pertsona batek besteei pasatzea irakurgaia. Beti irekita edukitzea
Gps mugikorra	Posizionamenduaren kontrola	Kentzea
Google	Datu pertsonalak-guztiak	Asmatzea
Banketxeak/kreditu txartelak (bestelakoak)	Datuen kontrola	Ahalik eta gutxien
Facebook	Datuak, noiz konektatu	Argazkiak ez etiketatu
Whatsapp	Konexioen azterketa	1. Tik bikoitza kendu 2. Ordua kendu 3. Perfileko informazioa kontaktu batzuei bakarrik erakustea
Zerbitzuetako karnetak	Gure mugimenduak
Webcam(drone)	Sartu daitezkeelako	Pegatina jarri kamara tapatzeko
Konpainia telefonikoak	Lokalizazioa, erabilerak	‘Modo avión’

 Bi bideo ikusteko aukera ere izan genuen. Lehenengoaren izenburua hau zen: ¿Por qué me vigilan si no soy nadie? Hemen ikusi genuen nola emakume batek, Marta Peiranok hain zuzen, kontrolaren eta pertsona bakoitzak sor dezakeen informazio guztiaren inguruan hitz egiten duen. Egunero erabiltzen ditugun mugikorrak, txartelak... guri buruzko informazio ugari ematen die lehen aipaturiko zelatatzaileei, guganako kontrola ezartzen dutelarik. Hala ere, gu gara hori sahiestu dezaketenak, egiten ditugun mugimenduak ez publikatuz edota gure bizitza pribatua pribatu mantenduz. Horretaz konturarazteko, asko gustatu zitzaidan emakumeak jarri zuen adibidea, non gizon baten mugikorraren bidez, zelatatzaileek badakiten uneoro non dagoen eta zer egiten duen.

 Bigarren bideoaren izenburua honako hau zen: Las redes y los datos: una perspectiva crítica.

Bertan sare sozialen inguruan hitz egiten da, hauetan pribatutasunak duen garrantzia adieraziz. Egia da ere, bideoan aipatzen den bezala, hau lortzea ez dela erraza eta horregatik gomendatzen da edozein gauza idatzi edo egin aurretik honen inguruan hausnarketa sakon bat egitea.

 Facebook, Twitter eta Wikipediaren inguruan hitz egiten da ondoren bideoan. Lehengoari dagokionez, ingormazioa trasmititzeko balio du, informazio hori mugatua dagoelarik. Ez da komunikatzeko sare bat. Bigarrenean, sortzen diren interakzioak edukiarengatik dira garrantzitsuak, eduki hau mugatua delarik, izan ere ezin dezakezu 'tweet' batean nahi adina idatzi. Azkena, software libreagoa da eta bertan gai ezberdinen inguruko informazioa idazten du nahi duenak.

Amaieran, Richard Stallmanek honako hau esaten du: Facebook no es tu amigo: es un motor de vigilancia masiva.

2. Gelan ikusitakoarekiko gure posizionamendua, hausnarketa.

 Saio honi esker, aurretik nekizkien gauzen inguruko hausnarketa sakon bat egitea lortu dut, izan ere, betidanik esan digute sare sozialetan idatzi eta igotzen ditugun argazkiekin kontuz ibiltzeko, baina inoiz ez naiz horretan pentsatzera gelditu. Beraz, argi gelditu zait pribatutasunak garrantzi handia duela zelatatzaileez beteriko mundu honetan. Hala ere, egia da oso zaila dela pribatutasun hau guztiz betetzea.

 Facebookera eta Instagramera igotzen ditudan argazkiak adibidez nire lagunek bakarrik ikusi ditzakete, kontu pribatua baitut bietan, baina orain konturatzen naiz benetan argazki horietara sarbidea duten pertsonak ere badaudela eta ondorioz, kontua pribatizatzearekin ez dela nahikoa. Zer egingo dut beraz Facebook-a borratu?

 Berdina gertatzen da Whatsapp-arekin, izan ere, nire informazioa inork eduki ez dezan ezabatu egin beharko nuke, eta horrela balitz ezingo nuke inorrekin komunikatu, denek honen bidez hitz egiten baitute orain.

 Zer egin beraz? Ahalik eta neurri gehienak hartu, gugan duten kontrol hori ahalik eta txikiena izan dadin.

3. Ikusitako guztia hezkuntzarekin erlazionatu. Gure posizionamendua irakasle moduan. Zer egin beharko genuke honekiko eskolan? 

 Gaur egun, haurrak txikiak direnetik hasten dira teknologiak erabiltzen. Honekin batera, hezkuntza munduan ere gero eta gehiago dira IKT-en erabilera areagotzen duten eskola zein ikastolak, izan ere XXI.mendean gaude, eta gauzak modernizatu eta mekinazatzen doaz gutxinaka. Testu-liburu asko orain interneten daude, koadernoak erabili beharrean Drive bezalako programak erabiltzen dira eta eskuko hiztegiak beharrean interneteko hiztegiak erabiltzen dira. Informazioa aurkitzerako orduan ere internet da baliabide nagusia gaur egun, eta gero eta lan gehiago ordenagailu bidez egiten dira.

 Hau jakinik, irakasle izango naizen einean, garrantzitsua iruditzen zait eskola guztietan aurrera pausu bat ematea eta garaiak eskatzen dituen gauzak mekanizatzen joatea. Baina betiere, irakasleon lana da ikasleei guzti honek ekartzen dituen ondorio eta arriskuez informatzea, izan ere, sahiestu daitezkeen gauza guztiak txikitatik erakusten bazaizkie, baliteke etorkizunean kontu handiagorekin aritzea. Helduagoak garenoi neurriak hartzea zailago egiten zaigu, gure garaian ez baitziguten arrisku guztiez ohartarazi. Aldatu dezagun beraz hori.

PRAKTIKALDIRAKO HASIERAKO IDEIA

Gure proposamena argazkiekin lan egitea da. Horretarako ikasleei haientzat garrantzitsuak diren gauzei(pasaiak, lagunak, objektuak, familia…)argazkiak ateratzeko eskatuko diegu. Adin desberdinetako ikasleekin arituko garenez, bakoitzak modu batean landuko du gaia.

Txikienei, argazki horiek inprimatu eta kartulina handi batean pegatzeko eskatuko diegu, bakoitza hitz edo esaldi batekin deskribatuz.
Nagusiagoak direnei, lan konplexuago bat eskatuko diegu. Lortzen dituzten argazkiekin istorio bat asmatu beharko dute taldeka, horretarako ordenagailuko programaren bat erabili beharko dutelarik(prezi, movie maker…)

Maialen Ansuategi, Maialen Arrieta, Ariane Arrieta, Mirari Arteaga eta Libe Alvarez

ARGAZKI-ELKARRIZKETA

Gaur egun, teknologien munduan murgildurik gaudela argi dago, eta nahiz etengabeko kritika gaia izan, batzuetan hauei esker gure bizitzan garrantzitsuak diren uneak harrapatu ditzakegu. Nik orain, argazki makinarekin jasotako irudien bitartez gustuko ditudan gauzen sintesi txiki bat egingo dizuet. Hala ere, esan beharra dago, batzuetan ondo dagoela mugikorra eta ordenagailua alde batera utzi eta benetan garrantzitsuak diren gauzez gozatzea.

1-LAGUNAK: Hau nire kuadrila da, momentu on zein onetan hor dauden pertsonak. 2 urte nituenetik izugarrizko uneak bizi ditut haiekin eta nire bizitzaren parte garrantzitsua dira. Aste guztia Donostin igaro ostean, asko gustatzen zait Arrasatera itzuli eta haiekin elkartzea.

Maritxu Kajoi 2015

                                      

2-ARGAZKIAK: Argazkiak ateratzea eta horietan modelo gisa agertzea atsegin dut. Bidaiatzen dudan bakoitzean argazki kamera daramat maletan. Aipatu beharra da ere, argazkigintzan ona den lagun bat dudala eta urtean behin argazki sesio bat egiten didala.

2015eko ekainean

3-NIRE HERRIA: Arrasaten bizi naiz. Momentu honetan ordea, Donostin ikasten dudanez, hor igarotzen dut aste guztia. Horregatik, ostiralak ditut gustukoen, autobusa hartu eta nire herrira itzultzen bainaiz, nire etxea, nire familia eta nire lagunekin. Ba ahal dago etxera bueltatzea baino gauza hoberik?

Anboto

4-FAMILIA: Hauxe da nire familia, nire bizitzako etapa guztian zehar nire alboan egon direnak. Asko gustatzen zait haiekin egon eta okurritzen zaizkigun gaiez hitz egitea, Nire ama sukaldari paregabea da, nire aita argazkilari amorratua eta nire anaia berriz guztietatik alaiena.

Soria, 2014ko udan

5-MAGISTERITZA: Guztiz asmatu dut karrera hau aukeratzen. Lantzen ditugun arloak gustuko ditut eta etapa berri honetan nire alboan dauden pertsonak izugarriak dira. Ezin dut gehiago eskatu.

Psikomotrizitate gelan Doblas-ekin

6-DONOSTI: Hiri paregabea da. Txoko guztiek zerbait berezia dute, hiru hondartzen edertasunaz ahaztu gabe. Magisteritza ikastea erabaki nuen unetik argi nuen bertan biziko nintzela eta egia esan oso gustora nago,

'Peine del Viento'

7-KOKE: Betidanik gustuko izan ditut animaliak, baina nire gurasoek ez didate inoiz etxean bat edukitzen utzi. Donostira bizitzera joan nintzean ordea, argi nuen hamster bat nahi nuela, eta pisukideak ados zeudenez bat erosi genuen. Ordutik, Koke etxeko txikiena da, hau alaitasunez betetzen duena. 

Koke

8-BIDAIATZEA: Izugarri gustatzen zait bidaiatzea. Txikitatik eraman naute gurasoek inguruko herrietara. Espainiako leku asko ezagutzen ditut, eta gehien gustatzen zaidan zonaldea Andaluzia da, Granada batez ere.

Granada, 2014ko udan

9-MUSIKA: Ezin naiz musikarik gabe bizi, uneoro entzuten dut. Oroitzapenak gogoratzeko eta hitzez esan ezin diren sentimentuak adierazteko baliabide paregabea iruditzen zait. Abesti alaiak gustuko ditudan arren, batzuetan lasaiagoak direnak ere entzuten ditut.

                            

  

10-TXANGOAK: Edozein arratsaldetan adosten diren planak gustuko ditut, egun bat jarri eta aldatzen ez direnak. 

Ataun, 2015

AMANDO (AMARA BERRI ESKOLA)

 Aurreko astean Amando, Amara Berriko IKTko arduraduna, etorri zitzaigun hitzaldi bat ematera. Horren arira, taldekideok hitzaldiaren inguruko sintesi bat egiteko gelditu ginen.

 Hasteko, Amara Berriko sistemari buruzko azalpen batzuk eman zizkigun, hobeto ulertzeko klasean duten dinamika. Txokoen bitartez egiten dute lan, eta zikloka daude bereizita ikasleak. Esaterako, hirugarren eta laugarren mailako ikasleak elkarrekin daude gelan, honek lan kooperatiboa helburu duelarik. Gainera, ez dute testu libururik erabiltzen, nahiz eta liburutegia informazioa bilatzeko tresna moduan oso erabilgarria egiten zaien. Irakaslearen funtzioa pasiboagoa bihurtzen da eta haurrek lantzen dituzten proiektu guztiek dute zertarako bat.

 Bestalde, IKTko atalean zentratuta eskolan erabiltzen diren Hedabideen inguruan hitz egin zigun eta hauen ezaugarri batzuk aipatu zizkigun: lehenik, hedabide hauen helburu nagusiak eskolan egiten diren lanei zentzua ematea eta IKT-en mundua sakontzea direla esan zigun; bigarrenik,egunero dagoela Hedabideen espazioa irekita eta ikaslea guztiek parte hartzen dutela bertan; hirugarrenik, egunero bi ikasle desberdin egoten direla espazio honetan tekniko lanak egiteko eta guztira kurtso osoan zehar ikasle bakoitzak 60 ordu igarotzen dituela bertan esan zigun; eta azkenik, kate moduan egiten dela lana, ikasleek batak besteari azaltzen diolarik tresneriaren funtzionamendua.

 Honekin jarraituz, Amara Berri eskolan irratia, telebista, egunkaria eta txikiweb-a lantzen zirela aipatu zigun eta egia esan asko harritu gintuen eguneroko albisteak egunkari batean txertatzen zituztela entzuteak. Gainera, irratiari dagokionez, eskolako web orritik entzun daiteke eta baita irratian eskolatik gertu egonez gero. Telebista geletan ikus dezakete,eta haiek egiten dituzte albistegiak  editatu ostean ikusten dituzte. Azkenik, txiweb-ean idatzi egiten dute baina lan hau 3.zikloko ikasleei dagokie.

Hitzaldia oso interesgarria iruditu zitzaigun, izan ere, ezagutzen ez genuen sistema bat azaldu ziguten eta honek lagundu zigun praktiketara begira apur bat prestatzeko.

Maialen Ansuategi, Maialen Arrieta, Ariane Arrieta, Mirari Arteaga eta Libe Alvarez 

IÑAKI PAGOLA(ADUNAKO ESKOLAKO IRAKASLEA)

 Gaur arratsaldean, Adunako eskolan lan egiten duen irakasleetako bat etorri da majisteritzako 2.mailako ikasleoi hitzaldi bat ematera. Bera Iñaki Pagola da, 68 ikasle dituen eskola bateko maisu, ingelesa eta IKT-etan aditua(dominioak kudeatzeaz eta dokumentuen segurtasunaz arduratzen da).

Adunako eskola

Eskola txikia izanik, Haur zein Lehen Hezkuntzako ikasleak ez dira mailaka sailkatzen, izan ere laugarren, bosgarren eta seigarren mailakoak batera egoten dira, baita bigarren eta hirugarrenekoak ere(eta horrela maila guztietan).

 Hemen, guk gure garaian ez bezala, proiektuen bitartez egiten dute lana. Ez dute testu-libururik erabiltzen, ordenagailuak, tabletak eta mugikorrak baizik. Arlo denak beraz, proiektuen bitartez lantzen dira. Matematikak ikasteko adibidez maketak erabiltzen dituzte, neurriak ateratzeko eragiketak eginez. Azken finean, ikasi beharreko gauza guztiak egunerokotasunean dauden egoerekin lotzen dira, gauzak zentzu batekin eta ez buruz ikasiz.

 Adunako eskola, heldutasun eredua deritzon horretan, maila aurreratuan aurkitzen da, izan ere, IKT-ak erabiltzen dituzte edozer gauza egiteko. Eredu honetan aurkitzen diren beste bi mailak hasierako a eta ertaina lirateke, Euskal Herriko eskola gehienak bi hauetako batean aurkitzen direlarik. 

 Google apps-ekin etengabeko kontaktuan daude, honek eskaintzen dituen doaineko baliabideez baliatuz(Blogger, Drive, Calendar, Classroom, posta elektronikoa...)

Google apps

 Honen arira, garrantzitsua da esatea irakasle guztiek kuaderno digital bat dutela, Drive eta Sites bezalako programekin egina. Hemen honako gauza hauek landu eta jasotzen dira: klase bakoitzean egingo dena, ikasleen asistentzia, jarduerak, denboralizazioa, landutako konpetentziak, edukiak, ebaluazio irizpideak... Azken finean, eskola honetako irakasle kopurua txikia izateak elkarlana sustatzen du, izan ere, kuaderno berean idazten dute guztiek, horrela denek denon informazioa edukiz eta alderatuz. Bileretako aktak ere, metodologia honekin jasotzen dituzte: egun bakoitzean iraskasle bat arduratzen da erabaki eta hitz egindako gauzak Driven idazteaz. Horrela guztiek ikusi eta eduki dezakete batek jasotako informazio guztia, lana azkartuz eta erraztuz.

 Goian aipatu dudan eta niretzat berria den Classroom app-aren inguruko azalpen txiki bat ere eman digu Iñakik. Bertan, irakasleek lanak bidaltzen dizkiete ikasleei, hauek drive-aren bidez burutu eta ondoren igo egiten dituztelarik. Behin igota, irakasleak lan horiek zuzentzen ditu, baina ez ordea erantzun zuzena emanez, pista eta arauak jarriz baizik. Honek, irakasleari interesgarriak iruditzen zaizkion linkak jartzeko ere balio du, ikasleek eguneratuta egoteko eta gauza berriak ikasteko aukera izanik.

 Calendar-en ere, irakasleek bilerak, ikastaroak eta gauza garrantzitsuak idazten dituzte(norbait egun batean eskolara joan ezin badaiteke adb.). Horrela guztiak azken berrien jakinpean daude.

 Bestetik, aipatu beharra dago, Adunako eskola, Alkiza eta Berrobi eskolekin dabilela elkarlanean. Horretarako Moodle plataforma komun bat dute, informazioa trukatu eta zein gai landuko diren azaldu ahal izateko.

 Blog-ari dagokionez, irakasleek klasean egindako lanak zein bideoak(ingeleseko arloan egindako batzuk ikusteko aukera izan dugu hitzaldian) igotzen dituzte eta ikasleek klase orduetan hauen inguruko iruzkinak idazteko aukera izaten dute, haien iritzia adieraziz eta gainontzeko lagunekin komentatuz.

 Hitzaldia amaitzerakoan, Iñakiri galderak egiteko aukera izan dugu. Honako gauzak erantzun dizkigu: proiektuak beti desberdinak direnez gero, ez dira inoiz gauzak errepikatzen eta nagusiek txikienei laguntzen diete eskolan.

 Azkenik, irakasleak aurkeztutako Power Point-aren amaieran honako esaldi hau irakurri genezake:

"GURE USTEZ, KALEAN EDO GIZARTEAN DAUDEN BERRIKUNTZAK ESKOLAN EGON BEHAR DUTE ETA HORTAN SAIATZEN GARA"

TALDEKO PLE-a (SYMBALOO)

Kaixo!
Hemen duzue, taldekideok erabiltzen ditugun aplikazioen zerrenda (Symbaloo)

JORDI ADELL- PLE

Kaixo!

Hona hemen PLE-aren inguruan ikusi genuen Jordi Adellen bideoa.

Bideoaren laburpena:

PLE-ak Personal Learning Enviroment esan nahi du.

Jordi Adellek, bi zatitatan banatzen du azalpena: oinarrizko teoria (definizioa, zertarako den ona eta zertarako txarra PLE-a ...) eta PLE-aren zati zein osagaiak.

Oinarrizko teoria

PLE bat aprendizaiaren ikuspegi bat da, ez da ez aplikazio ez plataforma bat. Nola ikasten den ulertzeko modu bat da, non ez dagoen inolako azterketarik.

Norberak ezartzen ditu bere helburu propioak eta ikasle den heinean bakoitzak hautatuko ditu ikasteko behar dituen irakasle, eduki eta erramintak.

PLE-aren ikuspegia positiboa izan dadin, ezinbestekoa da formazioa duen ikasle bat, Interneten ikusten duen lehenengo informazioaz fidatzen ez dena. Azken finean, formatuta dagoen profesional bat, pixka bat despistatu daiteke, baina ez ordea gazte batek egiten duen bezala.

Ez dago ez ebaluazio, ez titulu, ez egitura instituzional formalik, ez da ezta ere irakasteko modu bat, ikasteko modu bat baizik.

Doaineko erraminten, baliabideen eta informazio iturrien multzoa erabiltzeko Internetek eskaintzen digun aukera da PLE-a. Gainera, ikasteko eta profesionalki garatzeko aukera ematen digu, pertsonekin kontaktuan jarriz.

PLE-aren osagaiak

1. Bakoitzak hautatzen dituen erramintak.

2. Baliabide eta informazio iturriak (aldizkariak, blog-ak, gure aprendizaierako interesgarriak diren web orriak...).

3. Personal Learning Neatwork ( Konktaktuak mantentzeko pertsonak). Pertsona horiekin bi modu ezberdinetan trukatu dezakegu informazioa.

• Sortzen eta partekatzen ditugun objektu digitalen bitartez ( igotzen dituzun eta besteek ikusten dituzten bideoak adb.). Hemen ez dago zuzeneko komunikaziorik, bitartekaria den objektu bat baizik.

• Pertsonen arteko zuzeneko komunikazioa ahalbideratzen duten espazioen bitartez: Facebook, Twitter... Azken finean sare sozialek zenbait espazio sortzen dituzte informazioa trukatzeko.

PLE bat ez da informazioa eskuratzea soilik, edota beste batek idazten duena irakurtzea. PLE batean espero dena aktiboki parte hartzea da, kontsumitzailea izateaz gain informazio sortzailea ere izatea.

PLE bat eraikitzeko eta denboran zehar zaintzeko, Karma on bat izan behar duzu, eskuzabala izateaz gainera (jasotzen duzun adina ematen saiatzea). Gainera, konfidantzazko harremanak eraiki behar dituzu, behar duzunean laguntza eskatzea eta besteek behar dutenean ematea ahalbideratzen dizutenak. Hori gertatzen da adibidez Twitter-ekin, izan ere, batek galdera bat egiten duenean erantzun ugari jasotzen ditu.

PLE bat denboran zehar lantzen da, iturriak kenduz eta jarriz, erraminta jakin batzuk erabiliz eta sarean egiten duzuna partekatuz. PLE-ak baliagarriak dira sarean 'bizi' diren horientzat.

David Whitek bisitariak eta bertakoak diren pertsonak bereitzen ditu sarean.

• Bisitariak diren pertsonak daude alde batetik. Zerbait nahi dutenean Internetera jotzen dute, erraminta bat erabiltzen dute eta nahi dutena lortzean sarea uzten dute inolako arrastorik utzi gabe. Ez daukate identitate digitalik, mundu fisikoan duten bezala. Interneten, gure identitatea, guri buruz esan eta uzten dugun guztia da.

• Bertakoak daude bestetik. Sarean bizi dira, euren eguneroko jardueraren zati bat bertan garatuz. Harreman birtualengandik pertsonalengandik bezain beste eskuratzen dute. Aipatu beharra dago, interaktualki elkartzeagatik harreman horrek ez duela fisikoak baino gutxiago balio, izan ere, oso harreman aberasgarria izan daiteke.

IKT-en INGURUKO TALDEKO HAUSNARKETA

  Bakoitzak bere blogean idatzi ditugun testuak aztertu ondoren, ondorio garbi batzuetara iritsi gara.

Lehenik eta behin,  esan dezakegu gure ibilbide akademikoan zehar ez dugula teknologiarekin kontaktu handirik izan,liburuekin ikasi baitugu. Gaur egun ordea, eskola gehienak  IKT-ak gehiago erabiltzen hasi dira, batez ere tablet-ak, ordenagailuak eta arbela digitalak.

 Adibidez, taldekide batek batxilergoko bi urteetan liburuak erabili beharrean ordenagailua erabili zuen lan tresna moduan, drive, prezi,power point, dropbox, Word…bezelako aplikazioak erabiliz.

Denbora libreari dagokionez, aipatu behar dugu, gure garaian, gure lagunekin igaroten genuela arratsalde guztia, parkean zein herriko plazan. Beraz inguruko jendearekin sozializatzen ginen, ez baigenuen mugikorrik ezta aparatu elektronikorik ere. Gaur egungo egoera ikusita ordea, gauza asko aldatu direla hautematen dugu, eta ikusi dugu sozializazioa sare sozialen bidez ematen dela.  Haurrak pantailaren atzean ezkutatuz aurrez aurreko egoerak sahiesten dituzte.

 Bestalde, generoa eta teknologiari dagokionez, “mutilen” eta “nesken” jokuak bereizten dira mundu honetan. Haurrei txikitatik erakusten zaie zein jokutan aritu behar diren, eta norbaitek ez badu hori betetzen gaizki ikusia egoten da edo baztertuta sentí daiteke, izan ere, besteek jarraitzen duten bidea ez duela jarraitzen ikustean zerbait gaizki egiten ari dela iruditzen zaio eta bere ibilbidea erakutsi dioten hortara moldatzen du.

Ezin izan dugu Movenote erabili eta WeVideo aplikazioaren bidez egin dugu bideoa.

Maialen Ansuategi, Maialen Arrieta, Ariane Arrieta, Mirara Arteaga ata Libe Alvarez